Ma'lumotlar importi

Agar Alterga boshqa dasturdan, Exceldan yoki daftardan o'tayotgan bo'lsangiz, bazani qo'lda qayta yozish shart emas. Mijozlar, xizmatlar va xodimlarni fayldan yuklash mumkin, mijozlarni — telefon kontaktlaridan ham, Altegiodagi biznesni esa yozuvlar tarixi bilan birga to'liq ko'chirish mumkin.

Ma'lumotlarni Alterni sozlash tartibida yuklang: avval xizmatlar, keyin xodimlar, so'ng mijozlar (qarang: Ish tartibi).

Jadvaldan mijozlar

• Mijozlar → Mijozlar ro'yxati bo'limini oching.

• Amallar tugmasini bosing va Importni tanlang.

1. Amallar — mijozlar ro'yxati bilan ishlash menyusi.

2. Import — mijozlarni CSV, XLSX yoki XLS fayldan yuklash.

3. Kontaktlardan import — telefon kitobidan yuklash, quyida qarang.

4. Eksport — mijozlar bazasini faylga yuklab olish. Zaxira nusxa sifatida asqatadi.

Import bandi tanlangandan keyin yuklash oynasi ochiladi.

1. Shablonni yuklab olish — CSV, Excel (XLSX) yoki Excel 97–2003 (XLS) formatidagi tayyor jadval. Mijozlar ma'lumotlarini shablonga ko'chiring — shunda Alter qayerda ism, qayerda telefon ekanini aniq taniydi.

2. Yuklash maydoni — uni bosing yoki faylni shu yerga torting. 10 MB gacha bo'lgan CSV, XLSX va XLS fayllar mos keladi.

3. Import qilish — yuklashni boshlash.

Muhim. Takroriy mijozlar paydo bo'lmaydi: agar shu telefon yoki email bilan mijoz bazada allaqachon bo'lsa, Alter yangisini yaratmaydi, balki uning kartasini yangilaydi. Shuning uchun bitta faylni qayta yuklash mumkin — masalan, xatolarni tuzatgandan keyin. Batafsil — Mijozlarni qo'shish, import va eksport qilish maqolasida.

Telefon kontaktlaridan mijozlar

Agar mijozlar telefoningizda saqlangan bo'lsa, Amallar → Kontaktlardan importni tanlang.

1. Kontaktlarni import qilish — Alter ilovasida — telefonga Alter ilovasini o'rnating (qarang: Mobil ilova; Google Play va App Store uchun QR-kodlar shu oynaning o'zida): unda mijozlarni to'g'ridan-to'g'ri kontaktlarda belgilab, bir-ikki bosishda bazaga qo'shish mumkin.

2. .vcf faylni yuklash — ilovasiz usul: kontaktlarni .vcf faylga eksport qiling va uni yuklang. Bazaga faqat siz belgilagan kontaktlar — ismi, telefoni va emaili bilan tushadi.

3. Kontaktlarni faylga qanday eksport qilish mumkin — ochiladigan yo'riqnoma.

Maslahat. Butun telefon kitobini yuklamang: mijozlar bazasidagi qarindoshlar va yetkazib beruvchilar ommaviy xabarlar va hisobotlarga xalaqit beradi. Faqat mijozlarni belgilang.

Fayldan xizmatlar va xodimlar

Xizmatlarni yuklash uchun Katalog → Xizmatlar menyusi bo'limini oching, Variantlar tugmasini bosing va Fayldan import qilishni tanlang.

1. Shablonni yuklab olish — kerakli ustunlari bor CSV, XLSX yoki XLS jadval.

2. Yuklash maydoni — to'ldirilgan faylni torting yoki faylni tanlangni bosing, so'ng Import qilishni bosing. Nomlari katalogda allaqachon bor xizmatlar yangilanadi.

Xodimlarni yuklash uchun Xodimlar → Ro'yxat bo'limini oching, Variantlar tugmasini bosing va Importni tanlang. Alohida oyna yo'q: darhol fayl tanlash oynasi ochiladi, faqat CSV mos keladi. Yuklangandan keyin Alter nechta xodim qo'shilgani va nechtasi yangilanganini xabar qiladi. Xodimni qo'lda qanday qo'shish haqida Xodim qo'shish maqolasida yozilgan.